ಯುವ ಬರಹಗಾರರ ಸೃಜನಶೀಲತೆಯನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ಕೇಂದ್ರ ಸಾಹಿತ್ಯ ಅಕಾಡೆಮಿ ಕ್ಷೇತ್ರವು 2026 ನೇ ಸಾಲಿನ ಯುವ ಪುರಸ್ಕಾರಕ್ಕಾಗಿ ಭಾರತೀಯ ಯುವ ಲೇಖಕರನ್ನು ಪ್ರವೇಶಾತಿಗೆ ಕರೆದಿದೆ. ಭಾರತೀಯ ಸಾಹಿತ್ಯ ಕ್ಷೇತ್ರಕ್ಕೆ ಹೊಸದಾಗಿ ಪಾದಾರ್ಪಣೆ ಮಾಡಲು ಬಯಸುವವರಿಗೆ ಇದೊಂದು ಸುವರ್ಣಾವಕಾಶ. ಕೇಂದ್ರ ಸಾಹಿತ್ಯ ಅಕಾಡೆಮಿಯ ಯುವ ಪುರಸ್ಕಾರಕ್ಕೆ ಸಂಬಂಧಿಸಿದ ಇನ್ನಷ್ಟು ಮಾಹಿತಿಗಾಗಿ ನಮ್ಮ ವೆಬ್ಸೈಟ್ ನೀಡ್ಸ್ ಆಫ್ ಕರ್ನಾಟಕಕ್ಕೆ ಭೇಟಿ ನೀಡಿ.
Sahitya Akademi Yuva Puraskar 2026
ಯುವ ಲೇಖಕರಿಗೆ ಈ ಒಂದು ಪುರಸ್ಕಾರಕ್ಕೆ ಅರ್ಜಿ ಸಲ್ಲಿಸಬೇಕಾದರೆ ಅರ್ಹತಾ ಮಾನದಂಡಗಳೇನು? ಯುವ ಪುರಸ್ಕಾರಕ್ಕೆ ಅರ್ಜಿ ಸಲ್ಲಿಸಲು ಎಷ್ಟು ವಯೋಮಿತಿ ಹೊಂದಿರಬೇಕು? ವಿಜೇತರನ್ನು ಯಾವಾಗ ಘೋಷಣೆ ಮಾಡುತ್ತಾರೆ? ಎಂಬೆಲ್ಲಾ ವಿಷಯದ ಕುರಿತು ಈ ಲೇಖನದ ಮೂಲಕ ತಿಳಿದುಕೊಳ್ಳಬಹುದು.
ಪುರಸ್ಕಾರದ ಬಗ್ಗೆ ಮುಖ್ಯ ಮಾಹಿತಿ: (Sahitya Akademi Yuva Puraskar 2026)
| ಪುರಸ್ಕಾರದ ಹೆಸರು | ಕೇಂದ್ರ ಸಾಹಿತ್ಯ ಅಕಾಡೆಮಿ ಯುವ ಪುರಸ್ಕಾರ |
| ಅರ್ಹ ಅಭ್ಯರ್ಥಿಗಳು | 35 ಮತ್ತು ಅದಕ್ಕಿಂತ ಕಡಿಮೆ ವಯೋಮಿತಿ ಹೊಂದಿದವರು |
| ವರ್ಷ | 2026 ಸಾಲಿನಲ್ಲಿ |
| ಗೌರವ ಮೊತ್ತ | ₹ 50,000 |
ಯುವ ಪುರಸ್ಕಾರದ ಬಗ್ಗೆ:
ಕೇಂದ್ರ ಸಾಹಿತ್ಯ ಅಕಾಡೆಮಿಯು ಸಾಹಿತ್ಯದ ಅಭಿವೃದ್ದಿಗಾಗಿ ಮತ್ತು ಯುವ ಪ್ರತಿಭೆಗಳನ್ನು ಗುರುತಿಸುವ ನಿಟ್ಟಿನಲ್ಲಿ ಯುವ ಪುರಸ್ಕಾರವನ್ನು 2011 ರಲ್ಲಿ ಸ್ಥಾಪಿಸಿತು. ಯುವ ಪ್ರಶಸ್ತಿಯು ಭಾರತೀಯ ಸಂವಿಧಾನದಲ್ಲಿ ಅಂಗೀಕರಿಸಲ್ಪಟ್ಟ 22 ಭಾಷೆಗಳನ್ನು ಜೊತೆಗೆ ಇಂಗ್ಲಿಷ್ ಮತ್ತು ರಾಜಸ್ಥಾನಿ ಭಾಷೆ ಹೀಗೆ ಒಟ್ಟು 24 ಭಾಷೆಗಳಲ್ಲಿ ನೀಡಲಾಗುವ ಸಾಹಿತ್ಯಿಕ ಗೌರವವಾಗಿದೆ. ಈ ಒಂದು ಪ್ರಶಸ್ತಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಜನವರಿ 1 ರಂತೆ 35 ವರ್ಷ ಮತ್ತು ಅದಕ್ಕಿಂತ ಕಡಿಮೆ ವಯೋಮಿತಿ ಹೊಂದಿರಬೇಕು.
ಯುವ ಪುರಸ್ಕಾರದ ಮುಖ್ಯ ಉದ್ದೇಶ: Sahitya Akademi Yuva Puraskar 2026
- ಯುವಲೇಖಕರಲ್ಲಿ ಸಾಹಿತ್ಯಿಕ ಬರವಣಿಗೆಯ ಹವ್ಯಾಸವನ್ನು ಉತ್ತೇಜಿಸುವುದು ಮತ್ತು ಅವರ ಸೃಜನಶೀಲತೆ ಕೃತಿಗೆ ಒಳ್ಳೆಯ ವೇದಿಕೆಯನ್ನು ಕಲ್ಪಿಸುವುದು.
- ಭಾರತೀಯ ಸಾಹಿತ್ಯ ಲೋಕಕ್ಕೆ ಪಾದಾರ್ಪಣೆ ಮಾಡಲು ಬಯಸುವ 35 ವರ್ಷ ವಯಸ್ಸಿನೊಳಗಿನ ಪತಿಭಾವಂತ ಬರಹಗಾರರನ್ನು ರಾಷ್ಟೀಯ ಮಟ್ಟದಲ್ಲಿ ಗುರುತಿಸುವುದು.
- ಭಾರತದ 24 ಭಾಷೆಗಳ ಸಾಹಿತ್ಯಿಕ ಬೆಳವಣಿಗೆಯನ್ನು ನಿರಂತರವಾಗಿ ಮುಂದುವರಿಸುವುದು. ಆಯಾ ಭಾಷೆಯ ಶ್ರೀಮಂತಿಕೆಯನ್ನು ಹೆಚ್ಚಿಸುವುದು.
- ಯುವ ಬರಹಗಾರರು ಸಾಹಿತ್ಯಿಕ ಕ್ಷೇತ್ರದಲ್ಲಿ ಮುಂದುವರೆಯುವಂತೆ ಬೆಂಬಲಿಸುವುದು.
ಅರ್ಹತಾ ಮಾನದಂಡ: Sahitya Akademi Yuva Puraskar 2026
- ಅರ್ಜಿ ಸಲ್ಲಿಸುವ ಲೇಖಕರು ಭಾರತೀಯ ಪ್ರಜೆಯಾಗಿರಬೇಕು.
- ಅಭ್ಯರ್ಥಿಯು ಪುರಸ್ಕಾರ ಪ್ರಶಸ್ತಿ ನೀಡುವ ವರ್ಷದಲ್ಲಿ ಜನವರಿ 1 ರಂದು 35 ವರ್ಷ ಮತ್ತು ಅದಕ್ಕಿಂತ ಕಡಿಮೆ ವಯೋಮಿತಿಯನ್ನು ಹೊಂದಿರಬೇಕು
- ಒಂದು ಭಾಷೆಯಲ್ಲಿ ಕನಿಷ್ಠ ಮೂರು ಅರ್ಹ ಪುಸ್ತಕಗಳು ಲಭ್ಯವಿರಬೇಕು.
- ಮರಣೋತ್ತರ ಕೃತಿಗೆ ಅವಕಾಶ ಇರುವುದಿಲ್ಲ.
- ಕೃತಿಯು ಹೊಸದಾಗಿರಬೇಕು.
| ವಿಶೇಷ ಸೂಚನೆ: “ಯುವ ಪುರಸ್ಕಾರ ಪ್ರಶಸ್ತಿ ಪಡೆದುಕೊಳ್ಳಬೇಕಾದರೆ, ಅನುವಾದಗೊಂಡ, ಸಂಕ್ಷಿಪ್ತ ರೂಪದ, ಪ್ರಭಂದ ಅಥವಾ ಈ ಮೊದಲು ಪ್ರಶಸ್ತಿಗೆ ಅರ್ಹವಾದ ಕೃತಿಗಳಾಗಿರಬಾರದು.” |
ಯುವ ಪುರಸ್ಕಾರಕ್ಕೆ ಅಭ್ಯರ್ಥಿಗಳು ಹೊಂದಿರಬೇಕಾದ ವಯೋಮಿತಿ:
- ಪ್ರಶಸ್ತಿ ನೀಡುವ ವರ್ಷದ ಜನವರಿ 1 ರಂದು ಅಭ್ಯರ್ಥಿಯು 35 ಅಥವಾ ಅದಕ್ಕಿಂತ ಕಡಿಮೆ ವಯೋಮಿತಿ ಹೊಂದಿರಬೇಕು.
ಯುವ ಪುರಸ್ಕಾರದಲ್ಲಿ ಸಿಗುವ ಗೌರವಧನ ಎಷ್ಟು?
ಯುವ ಪುರಸ್ಕಾರ ಪ್ರಶಸ್ತಿಯನ್ನು ವಿಜೇತರಾದ ಅಭ್ಯರ್ಥಿಗೆ ಫಲಕ, ಶಾಲು, ಗೌರವಧನವಾಗಿ ₹ 50,000 ಹಾಗೂ ಪ್ರಶಸ್ತಿಪತ್ರವನ್ನು ನೀಡಲಾಗುವುದು.
| ಇಲ್ಲಿ ಗಮನಿಸಿ: “ಯುವ ಪುರಸ್ಕಾರ ಪ್ರಶಸ್ತಿ ವಿಜೇತರನ್ನು ಸಾಮಾನ್ಯವಾಗಿ ಜೂನ್ ತಿಂಗಳಲ್ಲಿ ಘೋಷಿಸಲಾಗುತ್ತದೆ”.” |
ಅರ್ಜಿ ಸಲ್ಲಿಸುವ ವಿಧಾನ: Sahitya Akademi Yuva Puraskar 2026
ಸಾಹಿತ್ಯಿಕ ಅಕಾಡೆಮಿಯ ಅಧಿಕೃತ ವೆಬ್ಸೈಟ್ https://sahitya-akademi.gov.in/ ಗೆ ಭೇಟಿ ನೀಡಿ ಅರ್ಜಿ ನಮೂನೆಯನ್ನು ಪಡೆದುಕೊಳ್ಳಬಹುದು. ಅಥವಾ
ಸಾಹಿತ್ಯ ಅಕಾಡೆಮಿಯ ಪದೇಶಿಕ ಕಚೇರಿಗೆ ಭೇಟಿ ನೀಡಿ ಅರ್ಜಿ ನಮೂನೆಯನ್ನು ಪಡೆದುಕೊಳ್ಳಬಹುದು.
| ಗಮನಿಸಬೇಕಾದ ವಿಷಯ: “ಅಭ್ಯರ್ಥಿಗಳು ಅರ್ಜಿ ನಮೂನೆಯ ಜೊತೆಗೆ ತಮ್ಮ ವಯಸ್ಸಿನ ಪುರಾವೆಯನ್ನು ನೀಡಬೇಕು ಮತ್ತು ತಾವು ಪ್ರಕಟಿಸಿರುವ ಕೃತಿಯ 2 ಪ್ರತಿಯನ್ನು ನೀಡಬೇಕು.” |
ಆಯ್ಕೆ ಪ್ರಕ್ರಿಯೆ: Sahitya Akademi Yuva Puraskar 2026
ಆಯಾ ಭಾಷೆಯ ತಜ್ಞರ ಸಮೀತಿಯು ಕೃತಿಯನ್ನು ಪರಿಶೀಲಿಸಿ, ಅತ್ಯುತ್ತಮವಾದದ್ದನ್ನು ಆಯ್ಕೆ ಮಾಡಲಾಗುತ್ತದೆ.
ಕೊನೆಯ ಮಾತು:
ಕೇಂದ್ರ ಸಾಹಿತ್ಯ ಅಕಾಡೆಮಿ 2026 ನೇ ಸಾಲಿನಲ್ಲಿ ಯುವ ಪುರಸ್ಕಾರಕ್ಕೆ ಪ್ರವೇಶಾತಿಗೆ ಅರ್ಜಿಯನ್ನು ಆಹ್ವಾನಿಸಿದ್ದು, ಅರ್ಹ ಯುವ ಬರಹಗಾರರು ತಮ್ಮ ಕೃತಿಯನ್ನು ನಿಗದಿತ ದಿನಾಂಕದೊಳಗೆ ಸಲ್ಲಿಸಿ ಯುವ ಪುರಸ್ಕಾರ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಳ್ಳಿ.
